المقدمة

المواضيع:

1)أنتى أجمل بالحجاب

2)الحجاب (للداعيه مصطفى حسنى)

3)أبعد عن الكذب

4)التوبة إلى الله

5)Chat Little Muslim 4Ever

6)أوقات الدعاء المستجاب

7)وصايا رسول الله

8)شباب مسلم صح

9)الطريق الصح

10)لكل طريق بدايه

المواضيع موجوده فى نهاية الصفحه فى القائمة تحت عنوان:(أرشيف المدونة الإلكترونية) وهنتظر تعليقاتكم على كل صفحه

اغنية اسماء الله الحسنى سامي يوسفsami Yusuf - Click here for the most popular videos

أنتى أجمل بالحجاب

فى بنت بتقولنا:.(أنا مش قادره على الحجاب أصل هو بصراحه شكلى بيه مش حلو
وبعدين أنا بتمنى بس مش عارف أعمل إيه!!)

خدى قرار هو ده ألى هتعمليه ...والله شكلك هيبقى أحلا بالحجاب خلى عندك مبدأ وقرار
وأنتى هتبقى أجمل بنت فى الدنيا بالحجاب
فى بنت أنا بعتبرها مثل جميل جداً لبنات كتير....البنت دى إتحجبت لما دخلت ثانوى
ورغم صغر سنها كان عندها مبدأ ومقتنعه جداً بحجبها مع إنها كانت فى مدرسه لغات
(إستيل جداً!!)..وهى كانت تكاد تكون المحجبه الوحيده فى المدرسه وزاميلها كانوا ديماً يقولولها..(خليكى روشه ولذيذه وبلاش عقد)..وكانت ديماً بتقابل الكلام ده بإبتسامه
وكلام رقيق وبسبب كلامها الجميل ورقتها وثقتها فى نفسها وفى حجبها رغم كل الفتن
ألى حوليها كانت السبب فى هداية خمس بنات كانوا فى الفصل معاها... ولبسوا الحجاب وأتغيروا تماماً والبنات دول هما ألى حكولي قصة البنت دى

أنتى أقوى من إنك تضعفى وتسمعى كلام ألى مش بيحبولك الخير....

يارب نباركلك قريباً على الحجاب....

هيفاء وهبي زعلانه كتير من اغنية اتحجبتى للمطرب حسام حاج - Celebrity bloopers here

الحجاب (للداعيه مصطفى حسنى)

الحجاب أنا أحسن من غيرى الداعية مصطفى حسنى 1 - Awesome video clips here

الحجاب أنا أحسن من غيرى الداعية مصطفى حسنى 2 - The best free videos are right here

الحجاب أنا أحسن من غيرى الداعية مصطفى حسنى 3 - The best video clips are right here

الحجاب أنا أحسن من غيرى الداعية مصطفى حسنى 5 - The funniest videos clips are here

الحجاب ( أنا أحسن من غيرى ) ..8 / 7 ..للداعية مصطفى حسنى - The best video clips are here

الحجاب ( أنا أحسن من غيرى ) ..8 / 8 ..للداعية مصطفى حسنى - Click here for the funniest movie of the week

أبعد عن الكذب

الكذب....أكتر حاجه تدمر الحياه.....

أنت ليه بتكذب؟

ليه؟

سألت نفسك السؤال ده قبل كده؟

إيه الداعى إنك تكدب؟

إنت أكيد شخصيتك ضعيفه؟

خايف من أهلك ومش خايف من ربنا؟

والله لو خوفت من ربنا بس لهتفتخر من نفسك ومن قوة شخصيتك...الكداب ضعيف

والله حتى لو كان ناجح فى حياته لهيبقى جواه نقطة ضعف عشان كده بيكدب...أنت قوى

والله قوى...قول لنفسك أكدب ليه؟ خايف من الناس ليه؟


سألتى نفسك أنتى ليه بتكدبى عشان تخرجى من ورا أهلك؟

إيه المهم فى الخروجه دى عشان تخليكى تمحى شخصيتك وتكونى ضعيفه بلشكل ده ؟

أرجوكى أسألى نفسك....ليه يجى عليه يوم أندم فيه إنى كدبت؟

والله ألى بتكدبى عشانهم دول مش هينفعوكى وأول ناس هيسبوكى

أسألى نفسك أنتى بتكدبى ليه؟

ألى فى الدنيا يستدعى إنى أكون ضعيفه كده؟

وصدقينى الانسان ألى بيخليكى تكدبى على أهلك عشانه ميستهلش لانه مش خايف

عليكى؟

جربى مره تكونى قويه وصدقه وأنتى هتبقى فى قمة السعاده.....


قال رسول الله(صلى الله عليه وسلم).......(عليكم بالصدق فإن الصدق يهدى إلى البر
وإن البر يهدى إلى الجنه ومايزال الرجل يصدق ويتحرى الصدق حتى يكتب عند الله صديقا وإياكم والكذب فإن الكذب يهدى إلى الفجور وإن الفجور يهدى إلى النار ومايزال الرجل يكذب ويتحرى الكذب حتى يكتب عند الله كذابا)

أرجوك متوصلش إنك تكتب عند ربنا كذاب خد قرار وكن صادق عند الله خليك شاب

يذكروه الناس بالخير أرجووووووك

أرجوكى أكتبى عند الله من الصادقين أنتى جميله وخليكى أجمل وأجمل

قبسات ونسمات جميلة جدا عن الكذب - Watch the top videos of the week here

التوبه إلى الله

أخى...........مستنى إيه؟ هتوب لله أمتى؟ كل حاجه فيك جميله ربنا كرمك بكل حاجه جميله مستنى إيه؟ كون أجمل بقربك من ربنا سبحانه وتعالى أبدأ الخطوة الاولى...خد قرار....وأبعد عن أصدقاء السوء أرجوووووووك خد قرار وأفتح باب التوبه مع الله

أختى.......مستنيه إيه؟ ليه مش عايزة تتحجبى؟ أنتى جميله طيب متكملى جمالك والله لحتبقى أجمل بنت فى الدنيا بطاعتك لربنا سبحانه وتعالى...خدى قرار أرجوكى أفتحى باب توبتك مع الله.......أرجوكى أبعدى عن أصدقاء السوء أنتى أجمل بكتير وأرقا بكتير من إنك تضيعى نفسك مع أصدقاء السوء خدى قرارك وكونى أجمل بنت وأرجوكى خافى على نفسك

والله إن كل أمر من أوامر الدين بتعمل منك راجل وبتعمل منك بنت أجمل الجميلات....

فى صاحبى أسلم ولم يركع لله ركعه ووقت ما أسلم نادى منادى الجهاد خرج وحارب فقتل فأصبح فى منزلة الصدقين والشهداء...
شوف بقرار قرار من قلبه إنه يسلم أصبح فى منزلة الصدقين والشهداء...

قبسات ونسمات (التوبه) مقطع جميل جدا - Funny video clips are a click away

Chat Little Muslim 4EVER

تلاوة رائعة والله للمقرئ فهد الكندري لكم التعليق !!! - The top video clips of the week are here

أوقات الدعاء المستجاب

الدعاء المستجاب...كتير طلب منا موضوع عن الدعاء المستجاب ولتلبية طلباتكم...هنكلم عن الدعاء المستجاب يعنى طلباتكم أوامر
أولاً شروط الدعاء المستجاب:
الدعاء المستجاب أهم حاجه فيه...الثقه فى الله يعنى دى من أهم شروطه...قال الله تعالى(أنا مع حسن ظن عبدى بى إن كان خيراً فخيراً...) ...وأساساً الدعاء له أثر عظيم لإنه مخ العبادة..ويسلام لو كان بيدعى بقلب حاضر وصادق إخباتاً وخشوعاً وإنكساراً وتضرعاً ورقة وخشية وإستقبل القبلة أثناء دعائه وكان على طهارة...يبقى كده إنت حققت نصف شروط الدعاء المستجاب.....طبعاً الكل دلوقتى بيقول(إيه الكلام الجامد ده كل ده وهكون حققت نصف الشروط بس!!!) آه لإن شروط الدعاء المستجاب هى:
(1) إنك تجدد التوبه..يعنى تكثر من الإستغفار..يعنى تقول فى بداية دعائك(إستغفر الله العظيم)
(2) إبدأ بحمد الله..يعنى تقول(الحمد الله)
(3) تنزيهه وتمجيده وتقديسه..يعنى تقول(يارحمن يارحيم ياعظيم ياقدوس ياسلام)
(4) والثناء عليه وشكره..يعنى تقول(الحمد لله حمداً كثيراً طيباً يوافى نعمك لجلال وجهك وعظيم سلطانك)
(5) ثم صلى على النبى(صلى الله عليه وسلم)..يعنى تقول(اللهم صلى وسلم على أفضل المرسلين سيدنا محمد)
(6) بعد ماتخلص الخمس شروط دول أدعى بأسماء الله الحسنى حسب دعائك..يعنى إذا كنت تريد علماً قل(ياعليم علمنى)..وإذا كنت تطلب رحمة قل(يارحمن أرحمنى)..وإذا كنت تطلب رزقاً قل(يارزاق إرزقنى) وهكذا..
طبعاً دلوقتى الكل هيقول(ينهار أبيض أنا لو خلصت كل الشروط دى هنسى أنا كنت عايز أدعى بإيه !!) أنا برضه كنت بقول نفس الكلام بس تعالوا نجمع الشروط ونظبط الدعاء وهيبقى سهل جداً..
شوفوا لما نجمع كل الشروط مع بعض هيبقى الدعاء عامل إزاى:....... (إستغفر الله العظيم والحمد لله رب العالمين , ياعظيم ياالله ياقدوس ياالله , الحمد لله حمداً كثيراً طيباً يوافى نعمك لجلال وجهك وعظيم سلطانك , واللهم صلى وسلم على أفضل المرسلين سيدنا محمد ياعليم علمنى أو يارحمن أرحمنى أو يارزاق أرزقنى أو إدعى أى شئ تريده...)
الدعاء بجد سهل ولما تتعود عليه هيبقى أسهل.
......................
ثانياً أوقات إجابة الدعاء إذا إجتمعت الشروط:
(1) ثلث الليل الأخير..يعنى فى صلاة قيام الليل قال رسول الله(صلى الله عليه وسلم) على ثلث الليل الأخير(إنها ساعه مشهودة والدعاء فيها مستجاب)
(2) يوم الجمعه عند صعود الإمام المنبر أو فى آخر ساعة من يومها..لإن فى ساعة يوم الجمعة يستجاب فيها الدعاء..عن أبى هريرة(رضى الله عنه) أن رسول الله(صلى الله عليه وسلم) ذكر يوم الجمعة فقال(فيه ساعة لايوافقها عبد مسلم وهو قائم يصلى يسأل الله شيئاً إلا أعطاه)
(3) عند الآذان
(4) بين الآذان والاقامة..لإن بين الأذان والاقامة دعوة لا ترد قال رسول الله(صلى الله عليه وسلم) (لا يرد الدعاء بين الأذان والاقامة) ويسلام لو صليت ركعتين بين الآذان والاقامة ودعيت ربنا بلى إنت عايزه..
(5) عند نزول الغيث..يعنى عند نزول المطر فالدعاء مستجاب وقت نزول المطر قال رسول الله(صلى الله عليه وسلم) (ثلاث خلال تفتح عندهن أبواب السماء فتحروا الدعاء عندهن , عند الأذان , وعند نزول الغيث , وعند إلتقاء الزحفين)
(6) عند فطر الصائم..قال رسول الله(صلى الله عليه وسلم) (للصائم عند فطره دعوة مستجابة).. وقال رسول الله(صلى الله عليه وسلم) (ثلاث حق على الله أن لا يرد لهم دعوة الصائم حتى يفطر , والمظلوم حتى ينتصر , والمسافر حتى يرجع)
(7) وعشية عرفة..قال رسول الله(صلى الله عليه وسلم) (من أفضل الدعاء الدعاء يوم عرفة)
(8) وفى حالة السجود..لإن أقرب ما يكون العبد لربه وهو ساجد.. قال رسول الله(صلى الله عليه وسلم) (أقرب ما يكون العبد من ربه وهو ساجد فإكثروا الدعاء)..وقال رسول الله(صلى الله عليه وسلم) (إنى نهيت أن أقرأ القرآن راكعاً وساجداً فأما الركوع فعظموا فيه الرب وأما السجود فإجتهدوا فيه من الدعاء فقمن أن يستجاب لكم)
(9) وفى ليلة القدر..لإن ليلة القدر خيراً من ألف شهر..وعن عبادة بن الصامت أن رسول الله(صلى الله عليه وسلم) قال يوماً وحضر رمضان (أتاكم شهر بركة فيه تنزل الرحمة وتحط الخطايا ويستجاب الدعاء )..وعن عمر بن الخطاب(رضى الله عنه) قال: قال رسول الله(صلى الله عليه وسلم) (ذاكر الله فى رمضان مغفور له وسائل الله فيه لا يخيب )
(10) فى أدبار الصلوات..يعنى بعد الصلوات..قال رسول الله(صلى الله عليه وسلم) (من صلى فريضة فله دعوة مستجابة)
(11) وفى أدبار النوافل..يعنى بعد النوافل
(12) عند ختم القرآن..قال رسول الله(صلى الله عليه وسلم) (من ختم القرآن فله دعوة مستجابة) وقال رسول الله(صلى الله عليه وسلم) (مع كل ختمة دعوة مستجابة)
(13) عند البقاء والخشيه من الله
فتحروا أوقات الإجابة والإستجابة لله تعالى بالإنقياد لأوامره والانتهاء عن مانهى عنه...وأهم حاجه الثقة بالله إن ربنا عز وجل إنشاء الله يستجيب دعائكم..قال الله تعالى (إدعونى استجب لكم)..وقال (وإذا سألك عبادى عنى فإنى قريب أجيب دعوة الداعى إذا دعان)..وقال (إدعوا ربكم تضرعاً وخفية)..وقال (وعد الله لايخلف الله وعده)..وقال (أمن يجيب المضطر إذا دعاه ويكشف السوء)

دعاء الشيخ احمد سعيد من قناة الرحمة - Funny home videos are a click away

وصايا رسول الله

Qur'an: The Story of Noah ,Surat Hud,قصة نوح في سورة هود الشاطري Beautiful Recitation - The funniest videos are a click away

وصايا رسول الله(صلى الله عليه وسلم).....تخيل لو والدك يعنى(بابا!!) نصحك إنك تعمل حاجه معينه أو والدتك يعنى (ماما!!) نصحتك بشئ معين هتقول دى نصيحه غاليه عليه جداً يعنى إنت فخور بنصيحة أهلك أو بتحاول تعمل بيها...فمبالك لو رسول الله(صلى الله عليه وسلم) بذات نفسه هو ألى نصحك ووصاك تعمل كذا وكذا...تخيل نفسك لو عملت بوصية رسول الله(صلى الله عليه وسلم) والله هتبقى أجمل حاجه عملتها
.............................
وصايا رسول الله(صلى الله عليه وسلم) طبعاً كتيره جداً بس أنا حاولت أجمع بعض من الوصايا ألى نقدر بيها نكون على أول الطريق الصح.....
.............................
أول وصيه عن معدان بن أبى طلحه(رضى الله عنه) قال: لقيت ثوبان مولى رسول الله(صلى الله عليه وسلم) فقلت: إخبرنى بعمل أعمله يدخلنى الجنه....أو قال قلت: بأحب الأعمال إلى الله فسكت ثم سألته فسكت ثم سألته الثالثة فقال: سألت ذلك رسول الله(صلى الله عليه وسلم) فقال: (عليك بكثرة السجود فإنك لا تسجد لله سجدة إلا رفعك الله بها درجه , وحط بها عنك خطيئة)................. رواه مسلم والترمذى
.............................
وصية الرسول(صلى الله عليه وسلم) هى كثرة السجود....بمجرد إنك تسجد لله فى السجدة درجه إترفعت وسيئه إتشالت من عليك وهو ده ألى كنت بقول عليه (حاجه تشيل حاجه).... وفى حاجه تانيه فى موضوع السجود........ قد ورد فى الحديث الشريف عن حنظلة الكاتب(رضى الله عنه) قال: سمعت رسول الله(صلى الله عليه وسلم) يقول: (من حافظ على الصلوات الخمس ركوعهن وسجودهن ومواقيتهن وعلم إنهن حق من عند الله دخل الجنة..أو قال: حرم على النار).........رواه أحمد
الصلاه بجد فيها سر كبير فى علاقة العبد بربه....الصلاه أكتر حاجه تفتحلك أبواب مع الله....مش برضه لما شخص يدعى لحد بيقوله "روح ربنا يفتحلك طريقك" أهى الصلاه ألى بتفتح الطريق......ولو حافظت على إنك تصلى الصلوات الخمس فى أوقاتهم وكنت متيقن من إنها فرض عليك من الله وجبت لك الجنة.....لإن أول حاجه الإنسان يسأل فيها بعد وفاته الصلاه.....قال رسول الله(صلى الله عليه وسلم) (إستقيموا ولن تحصوا , وإعلموا إن خير أعمالكم الصلاة , ولن يحافظ على الوضوء إلا مؤمن)....
فيارب من الساعه دى تفتح صفحه جديدة مع الله ولو مش مواظب على الصلاه إنوى وخد الموضوع بجد وإنشاء الله تكون سبب الخير فى حياتك
وبالنسبه للشباب فصلاة المسجد والله فرض عليك ولو كانت الصلاه فى المسجد صعبه عليك....لإن ممكن لأ ده مش ممكن بس ده أكيد حد هيقول: (والله أنا مكسل وتعبان.... أصل وريا مشوار مهم....) بس والله الموضوع يستاهل يعنى تعبك مش هيروح هدر.. قال رسول الله(صلى الله عليه وسلم): (من مشى فى ظلمة الليل إلى المسجد, لقى الله عز وجل بنور يوم القيامة)
إسإل نفسك كده الموضوع يستاهل ولا لأ؟!!!
...........................
الوصيه الثانية قال رسول الله(صلى الله عليه وسلم): (عليكم بذكر ربكم وصلوا صلاتكم فى أول وقتكم فإن الله يضاعف لكم الأجر)
...........................
بجد وصيه جميلة جداً واليعمل بيها هيفوز فوز عظيم لإن ذكر الله من أعظم الأشياء ألى بتقربك من الله عز وجل....( ذكر الله طب القلوب ودواؤها , ونور الأبصار وضياؤها وبه تطمئن القلوب , وتنفرج الكروب , وتغفر الخطايا والذنوب) وعشان كده وصانا النبى(صلى الله عليه وسلم) بالمواظبة عليه , والأكثار منه فقال فى نص الوصيه (عليكم بذكر ربكم)........... وقال الله عز وجل:..(ياأيها الذين آمنوا إذكروا الله ذكراً كثيراً وسبحوه بكرةً وأصيلاً)....
وقال الله عز وجل:..(ألا بذكر الله تطمئن القلوب)....
وقال الله عز وجل:..(فاذكرونى أذكركم)
وقال الله تعالى فى الحديث القدسى:..(أنا عند ظن عبدى بى , وأنا معه حين يذكرنى , فإن ذكرنى فى نفسه ذكرته فى نفسى , وإن ذكرنى فى ملأ ذكرته فى ملأ خير منه , وإن تقرب إلى شبراً تقربت إليه ذراعاً , وإن تقرب إلى ذراعاً تقربت إليه باعاً , إن أتانى يمشى أتيته هرولة)
قال الله تعالى (إن ذكرنى فى نفسه) يعنى لو سبحت ربنا وإستغفرته فى سرك فقال الله تعالى (ذكرته فى نفسى) يعنى هيذكرك بنفس الطريقه..... ثم قال الله سبحانه وتعالى (وإن ذكرنى فى ملأ) يعنى وأنت مع أصدقائك مثلاً قلت يلا نقول (سبحان الله والحمد الله والله أكبر) أو كنت فى مجلس عائلى أو مجلس دينى أو مجلس أى حاجه وإكلمت عن أزاى نذكر ربنا دائماً أو قلت أى نصيحه...فقال الله تعالى(ذكرته فى ملأ خير منه) فتخيل نفسك لو ربنا سبحانه وتعالى يذكرك فى ملأ...ثم قال الله تعالى(وإن تقرب إلى شبراً) يعنى بتحاول تواظب على صلاتك , تذكر ربنا..فقال الله تعالى(تقربت إليه ذرعاً)..ثم قال الله تعالى(وإن تقرب إلى ذرعاً) يعنى زودت شويه من طاعتك لربنا سبحانه وتعالى وقربت منه أكتر..فقال الله تعالى(تقربت إليه باعاً)..ثم قال الله تعالى(وإن أتانى يمشى أتيته هروله) يعنى تنزل تصلى فى المسجد , تعمل عمل خير , تسأل على أهلك , تزور مريض وهكذا...
...........................
الوصيه الثالثة عن أبى هريرة(رضى الله عنه) قال: (قلت يارسول الله إنى إذا رأيتك طابت نفسى وقرت عينى , أنبئنى عن كل شئ قال: كل شئ خلق من الماء
فقلت: أخبرنى بشئ إذا عملته دخلت الجنة
قال: أطعم الطعام , وأفشى السلام , وصل الأرحام , وصل بالليل والناس نيام تدخل الجنة بسلام)
...........................
فى أول الوصيه كلام أبى هريرة(رضى الله عنه) جميل جداً بيدل عن مدى حبه لنبى(صلى الله عليه وسلم) ....بعدين سأل الرسول(صلى الله عليه وسلم) (أخبرنى بشئ إذا عملته دخلت الجنة) يعنى حاجه أعملها تدخلنى الجنة....بصراحه أنا بعتبرها خدمه...طب إيه هيه الحاجه؟..هى مش حاجه هى أربع حاجات....أربع أبواب تفتحهم تدخل الجنة:
(1) أطعم الطعام: يعنى أطعم الفقراء والمساكين...يعنى بجد كون سبب فى فعل الخير
(2) أفشى السلام: يعنى خلى وجهك بشوش يعنى كل ماتعدى على حد إبتسم فى وجهه مهما كنت زعلان....عامل الناس بالحسنه , قابل السيئه بإبتسامة وبالحسنة يعنى خليك مسلم صح
(3) وصل الأرحام: يعنى إسأل على أهلك , وعِين فقيرهم , وأرشد جاهلهم , وأقضى حوائجهم , وتفقد غائبهم , وإسأل على مريضهم , وشاركهم أفراحهم وأحزانهم
(4) وصل بالليل والناس نيام: يعنى قم الليل وعلفكرة صلاة قيام الليل بجد ليها ثواب كبير جداً...قال الله تعالى (تتجافى جنوبهم عن المضاجع)
(5) تدخل الجنة بسلام: يعنى مصحوباً بالسلامة يعنى مسلماً عليك من الله وملائكته
...........................
الوصيه الرابعة قال رسول الله(صلى الله عليه وسلم): (عليكم بقيام الليل , فإنه دأب الصالحين قبلكم وقربه إلى ربكم , ومكفرة للسيئات , ومنهاة عن الإثم)
...........................
فى الوصيه الثالثة الرسول(صلى الله عليه وسلم) قال: (وصل بالليل والناس نيام) لإن بجد فضل صلاة قيام الليل كبيرة جداً.....ففى الوصيه الرابعة وضح رسول الله(صلى الله عليه وسلم) فضل قيام الليل ....فقال رسول الله(صلى الله عليه وسلم) (عليكم بقيام الليل)يعنى إلزموه وحافظوا عليه...ثم قال (فإنه دأب الصالحين قبلكم) يعنى صلاة قيام الليل كانت من عادتهم وشأنهم..ثم قال (وقربه إلى ربكم) يعنى صلاة قيام الليل سبب من أسباب القرب من الله عز وجل..ثم قال (ومكفرة للسيئات) يعنى صلاة قيام الليل تزيل الذنوب وتمحيها..ثم قال (ومنهاة عن الإثم) يعنى بتنهى صاحبها عن إرتكاب المعاصى.....

قيام الليل قبسات من قناة الناس جميلة جدا ومؤثرة - The funniest videos clips are here

.............................
أنا كتبت?أربع وصايا وده عدد قليل جداً من بحر وصايا رسول الله(صلى الله عليه وسلم) بس أنا حبيت أكتب وصايا نقدر بيها نفتح باب الطريق الصح مع الله عز وجل ...
.............................

شباب مسلم صح

أزاى تكون شاب مسلم صح؟ أنا بعتبر عشان تكون شاب مسلم صح يبقى لازم عندك كوكتيل من عباده + طاعه + معامله + أخلاق + أخلاق..... وعلفكره أنا معلئتش ولا سرحت عشان كتبت أخلاق مرتين لإنى بعتبر نصف العباده أخلاق , ونصف الطاعه أخلاق والمعاملات أسسها أخلاق... فبجد الأخلاق عنصر مهم فى تكوين شاب مسلم صح....لإن من غير أخلاق لا تكتمل العباده ولا تكتمل الطاعه.....
أعظم من نقتدى به لتكوين شاب مسلم صح رسول الله(صلى الله عليه وسلم) لإنه من أعظم الشخصيات ألى بجد لو كنا نتمنى إننا نصلح شأن الأمه الإسلاميه علينا الإقتداء برسول الله(صلى الله عليه وسلم) .....فبجد خلى مثلك الاعلى فى كل أمور حياتك رسول الله(صلى الله عليه وسلم) .....ولله المثل الاعلى.....
.........................
مصطفى مصطفى ده شاب أنا من زمان كنت بتمنى إنى أتكلم عنه لإنى بعتبره رمز جميل لشاب مسلم صح وكان دائماً قدوة مصطفى الرسول (صلى الله عليه وسلم).....مصطفى كان شاب عادى جداً ولكنه بجد إمتلك قلوب ودعوات ناس كتيره جداً...
وهو طفل كان لذيذ جداً وكان دائماً مبتسم.....كان أصغر إخواته يعنى(آخر العنقود) ......مرت الإيام وكبر مصطفى وبقى شاب جميل بجد (كان شاب جامد جداً).....كان وسيم "وإستيل" وكان زى كل الشباب بيهتم جداً بلبسه وبشكله.....كانت فيه ميزه جميله جداً إنه ماكنش عصبى كان بيعرف يتحكم فى نفسه وقت الغضب...أنا بصراحه بعتبرها ميزه لإن العصبيه منتشره جداً فى الشباب والبنات وكل الناس كبير وصغير بأه نادراً جداً لما تقابل شخص بيتحكم فى غضبه لو حد قال لشخص صباح الخير بس الشخص ده ماكنش رايق التانى بيقابل كل خير عشان كده أنا بعتبرها ميزه جميله وأجمل لما تكون مع الام والاب والاهل بصفه عامه لإن هو ده البر بجد...مصطفى لما كان هيلاقى نفسه هيتعصب كان يكتم غضبه ويقول(اللهم إجعلنى من القوم الصابرين والكاتمين الغيظ والعافين عن الناس).....فبجد أنا حسيت إنه دعاء جميل جداً وأنا عن نفسى لما قولته فرق معايا...
أجمل حاجه كانت فى مصطفى إنه كان دائماً لما يشوف جار ليه أو جاره شيلين حاجه كان لازم يخُدها منهم ويشيلها هوا لغاية باب شقتهم....
......................
علاقة مصطفى بلمسجد بدأت صدفه...إتعرف على مجموعة شباب جيرانه وبلصدفه الجميله إنهم كانوا بيصلوا فى المسجد علطول وسألوا مصطفى لو كان ممكن يجى ويصلى معاهم فى المسجد فوافق مصطفى وراح يصلى معاهم ومن ساعتها بقى علطول معاهم وبقى علطول يصلى كل الفرائض فى المسجد معاهم....وبعد فتره بقى يحفظ الأطفال قرآن فى المسجد........
كان معروف عن مصطفى إنه كان دمه خفيف جداً بدرجة إن الكل كبير وصغير كانوا بيحبوا يتكلموا معاه..وكان محبوب جداًمن الكل لإن كان دائماً مبتسم وخدوم....
فى مره وهو راجع من المسجد من صلاة الفجر شاف قطه صغيره جداً فى الشارع لوحدها راح أخدها معاه البيت وحطها فى المطبخ وكتب لولدته ورقه وحطها على باب المطبخ عشان لما تصحى فى أى وقت تعرف إن فى قطه فى المطبخ مرت الإيام وكبرت القطه بس لما كانت تطلع من البيت كانت لازم تنام على عربية مصطفى ......
..........................
بعد كل الكلام ألى أنا قلته على الشخص الجميل ده "مصطفى" وألى أنا جايز معرفتش أعبر عن جَمال أخلاقه.....وكتبت عنه وكإن طفل صغير بيكتب قصه بسيطه....بعد الكلام البسيط ده وصلت للنهايه ألى مكنتش أتمنى إنى أوصلها وهى إن الشاب الجميل ده توفى وهو عمره 25 عام وكانت الجنازه ولا فى الأحلام...كان فيها ناس كتير ومن كل مكان وأطفال وكبار والكل كان حزين جداً على وفاة شاب جميل زى مصطفى..تخيلوا إن القطة بقت تصدر أصوات فظيعه وكأنها بتبكى عليه
.....
لغاية يومنا هذا الكل بيضرب المثل بمصطفى وكل ألى كانوا يعرفوه بسمع منهم دائماً يارب نشوف أولادنا زى مصطفى...
وأنا دائماً بدعى يارب أكون زى مصطفى فى كل حاجه......
...........................
أنا أكلمت عنه بطريقه بسيطه جداً....مع إنه يستحق أكتر من كده........ بس أنا فعلاً لا أجيد التعبير يعنى العيب منى....بس يارب أكون قدرت أوصل حتى ولو كلمه صغيره عنه

تلاوة حركت قلوب الملايين في اليوتوب لناصر القطامي - For more funny movies, click here

............................

الطريق الصح

الطريق الصح عبارة عن عبادات ومعاملات….طبعاً كتير دلوقتى بيقول السكه كده شكلها طويله وصعبه….بس علفكره الموضوع سهل جداً!!!!....
أنا لو أكلمت عن أزاى نمشى فى الطريق الصح نظرى هكلم عن العبادات إنها كذا وكذا وكذا…..ولكن كده هتملوا منى….عشان كده أنا هكلم عملى , لإن العملى أسرع طريق للقلب……طب يعنى إيه كلام عملى؟…يعنى هقول فلان عمل إيه وفلانه عملت إيه وفى وسط الكلام هنكلم عن العبادات والمعاملات ونظبط إحنا طريقنا لغاية مانوصل فى الآخر إن الطريق الصح عباره عن إيه…….
…………………………
رأى بعض أصدقاء الموقع:..
(أنا لو إلتزمت هبعد عن الناس كلها وهبقى منطوى وأنا مبحبش أبقى كده لإن أنا إجتماعى جداً وبحب يبقى ليه شله وأصدقاء كتير!!)
………………………….
أنت مين قالك إنك لو إلتزمت هتبعد عن الناس كلها!!! ده الطريق الصح ألى بنكلم عنه أساسى فيه إنك تكون جميل وطيب مع الناس وإجتماعى جداً وتكون مثال جميل للمسلم الصح…..بس مش شاب يكلم مع بنات ويقول أصل أنا إجتماعى وبجد والله أنا بنصحهم وبشدهم للطريق الصح!!!!... بص هو أنت كده فعلاً بتشدهم بس للطريق الغلط!!!
أو بنت تقول أنا مصحبه الشباب دول دعوه فى سبيل الله عشان أدعوهم للطريق الصح !!!
بس كده بقى طريق غلط مش طريق صح….ياجماعه والله إجتماعى بمعنى تحب الناس , تحسن معاملة الناس , تبتسم دائماً …… وبعدين مش معنى إنك إلتزمت إنك تبعد عن الناس وعن أصدقائك بالعكس عمرك ماتبعد عن أصدقائك ولكن حاول تشدهم معاك للطريق الصح.....ده أنت من غير ماتكلم ممكن بأخلائك تكون السبب فى هداية ناس كتيره.....
طيب أنت إجتماعى وبتحب يكون ليك شله وأصدقاء كتير طيب ماتحاول تِكون شله وأصدقاء كتير مع ناس يشدوك للطريق الصح....
.....................................
فى شاب بيقول:..(أنا مينفعش ألتزم أنا بصراحه راجل إجتماعى جداً ولو إلتزمت هاخد سكه لوحدى وصحابى مش هكلمهم والناس كلهم هتبصلى بصه مختلفه!!!)
......................................
علفكره الغربه دى إحنا ألى عملناها قسمنا المجتمع متدين وغير متدين أساساً الموضوع كله عباره عن إن الشاب ده ملتزم و ده لسه...البنت دى بتخاف ربنا و دى بتحاول ربنا يرضى عنها....لكن مش إنقسام...متدين وده لأ وهجوم!!! والكلام ده كله ألى ملهوش فايده....
وبعدين الدين الإسلامى بجد دين جميل جداً مفهوش حِتت الإنقسام والبعد والجفا والكلام ده كله....بلعكس ده أصل الدين الإسلامى الحب والسماحه والصحبه الجميله بس ألى يفهمها صح....والمفروض إنك تكون عارف كده ومش أنت بس المفروض إن كل مسلم ومسلمه يكونوا عارفين أد إيه الدين الإسلامى جميل.....
واحد من المستشرقين دخل الإسلام وقال أعظم دين الدين الإسلامى فسعتها كتير جداً قالوا:( آه والله صحيح أعظم دين الدين الأسلامى!!!) ..يسلام يعنى إنتوا معرفتوش كده غير لما واحد من المستشرقين دخل الإسلام وقال عليه إنه دين جميل...وهى دى مشكلتنا.. فين ثقتنا فى نفسنا؟ فين ثقتنا إن الدين الإسلامى أعظم دين؟......والله العظيم إحنا ألى بأيدينا نعز الدين الإسلامى ونعز المسلمين فى كل مكان............ الموضوع فى أوله صعب يعنى...ألتزم إزاى أنا مش متعود على كده والكلام ده كله ألى بيتقال ولكن لازم تعرف إن كل أمر من أوامر الدين بتعملك راجل....وبتعمِلك بنت جميله يضرب بيها المثل.....
قال رسول الله(صلى الله عليه وسلم)..(المؤمن القوى خيراً وأحب عند الله من المؤمن الضعيف)
..................................
فى شاب بيقول:...(أنا بحس إن الملتزمين دمهم تقيل ومش عيشين حياتهم زى مالناس العاديه عيشين!!!)
..................................
الرد: يعنى إيه ناس عاديه وناس ملتزمه؟!!! مالملتزمين ناس عاديه جداً بيشربوا !! وبيأكلوا!! وبيحبوا يسفروا ويعملوا كذا وكذا....زى الناس كلهم بس الفرق الوحيد إنهم بيعملوا كل ده من غير مايغضبوا ربنا يعنى بطريقه صح.....يعنى مثلاً إنت بتقضى كم ساعه بتعمل شات مع ناس ممكن تكون بتشدك لطريق غلط....طيب ماأنت هتقولى الشات حاجه مسليه جداً وبكون من خلاله شله كبيرة... أنت معاك حق الشات حاجه مسليه جداً وبتكون أصدقاء كتير من خلاله وعشان كده إحنا عملنا شات فى الموقع ده تتعرف من خلاله على ناس جميله جداً وعلى أصدقاء الموقع وتعرف أد إيه هما شله لذيذه جداً ومسلين جداً وهيكلموا معاك فى كل حاجه...
إحنا عملنا الشات ده الهدف منه تكوين صداقه كبيرة بينكوا وبين أصدقاء الموقع وبين أفراد إدارة الموقع صداقه بجد كبيرة وجميله تمشى فى الطريق الصح وتساعدنا فى تغير مفاهيم الشباب الخطأ وفكرتهم الخطأ عن الإلتزام...صفحة الشات هتلاقوها فى قائمة الموقع وإسم الصفحه:..(Chat little Muslim)
بجد بتمنى إنك تدخل على صفحة الشات وتبقى واحد من أصدقائنا... بس إستنى!!!! إدخل صفحة الشات بس بعد ماتقرأ صفحات الموقع....
...............................
نرجع لموضوع الطريق الصح وموضوع إنى لو إلتزمت هبعد عن الناس كلها......بس أنا هكلم دلوقتى عن قصة شاب هتفسر كلام كتير من موضوع الطريق الصح...
القصه بتكلم عن شاب فى الجامعه الأمريكيه إلتزم فالبنات كانوا لما بيشوفوه بيصلى يقولوا لبعض بستغراب:.(إيه ده!!!! دا بيصلى!!) وكإنها حاجه غريبه جداً واو دا بيصلى!!!! فى بنت من زاميله فى الجامعه قالت عنه:..(أنا عمرى ماإكلمت مع الشاب ده لكن كنت بشوفوا من بعيد...بس والله كان هو السبب فى إنى لبست الحجاب وإلتزمت..)
فسألناها ليه كان هو السبب؟ وكان ردها:..(لإنه فى وسط كل الفتن دى كان بيغض من بصره ومحافظ على الصلاه...فبصراحه أنا إنبهرت بيه لإنه عنده مبدأ ومحافظ عليه..)
تخيلوا من غير مايكلم كلمه واحده كان السبب فى هداية بنت ومش البنت دى بس لكن غيرها كتير....ولكن إحنا مكلمناش مع حد غير البنت ديه لإنها إنضمت لصداقتنا وهى ألى حَكيت لينا القصه دى......
بصراحه منفسكش تبقى كده ليك شخصيه مستقله ومبدأ تمشى عليه؟ ...ومنفسكيش تكونى بنت جميله يضرب بيكى المثل فى أخلائك وإيمانك؟....
..................................
فى شاب صديق لموقعنا والشاب ده بجد دمه خفيف جداً حكلنا عن موقف لطيف....الشاب ده لما إلتزم قابل بنت كان يعرفها قبل كده صدفه...فبتسلم عليه فبتسم وبص فى الأرض فالبنت ضحكت وقالتله:..(إده إنت إدينت!!)...إدينت!! أول مره بجد أسمع الكلمه دي ماعلينا..الشاب ضحك وقالها:..(الحمد لله)..فالبنت قالتلوا:..(إيه ألى فى وشك ده سنه أستيل؟!!)...فالشاب قالها:..(آه إلتزام إستيل الموضه!!)
...................................
الموضوع كله إنك بجد بسلوكك ممكن تبقى أكبر داعيه من غير ماتكلم كلمه..وممكن تبقى السبب فى هداية ناس كتيرة وبرضه من غير ما تكلم كلمه...
خلى عندك مبدأ وإمشى عليه....خلى ليك بصمه فى دينك...وهقولها تانى والله إن دينك بيعمل منك راجل وبيعمل منك بنت جميله بمعنى الكلمه....
تخيل لو تكون إنت فى وسط فتن كتيرة ولكن إنت عندك مبدأ...تخيل نفسك أد إيه هتبقى راجل بمعنى الكلمه...وتخيلى نفسك أد إيه هتبقى بنت جميله ومحافظه على نفسك وشخصيتك قويه وعندك مبدأ.....
خير الناس أنفعهم للناس...تخيل نفسك لما تكون أنت أول واحد يعمل عمل خير.........
مثلاً تكون فى الشغل وقت الصلاه تجمعهم وتقترح عمل مصليه صغيره فى الشغل .......
أنت عارف إن كل شخص هيصلى فى المصليه دى هتبقى فى ميزان حسناتك....
ومثلاً لما تكونى فى الجامعه وقت الصلاه توقفى أى حاجه بتعمليها حتى لو كنتى فى المحاضره إستإذنى من الدكتور....تخيلى كم ولد وبنت هيصلوا فى الوقت ده معاكى وهتكون فى ميزان حسناتك.....
بجد هتبقى شخص إيجابى...شخص عنده مبدأ...له شخصيه مستقله
من سن فى الإسلام سنتاً حسنه فله أجرها وأجر من عمل بها إلى أن تقوم القيامه.....
...............................
أسئله من أصدقاء موقعنا:
1) كريم:...(أنا خايف من كلام الناس لو إلتزمت!!)
خايف من كلام الناس على أساس إيه ياكريم....على أساس إنهم يقولوا عليك ولد جميل وملتزم وبيخاف ربنا...ولا خايف يدعولك عشان أنت ولد طيب وبتساعد الناس وكمان بتعرف ربنا...ولا خايف من إيه!!! أنا مش هقولك أكتر من كده عشان ده رأى بصراحه....
................................
2) عمر:...(خايف لو إلتزمت يقولوا عليه معقد!!)
أنا ردى ياعمر على كلامك إن لو حد قال عليك معقد صدقنى هو ذات نفسه من جواه عارف إنك إنت صح ونفسه يعمل ذيك بس مش قادر عشان كده بيقول عليك معقد....خليك واثق من نفسك وواثق إنك صح وبأخلائك هتخلى كل ألى حوليك يحترموك جداً
................................
3) يس:...(أنا لو إلتزمت أعمل إيه لو حد من صحابى ضحك عليه؟!!)
ألى بيضحك عليك دلوقتى هيضحك على نفسه فى الآخر وهيندم إنه معملش ذيك وضحك عليك فى يوم من الأيام.....خليك واثق من نفسك يايس وصحابك كلهم وكل الناس هيتمنوا يكونوا ذيك...
................................
4) مريم:...(خايفه يكون شكلى وحش بالحجاب!!)
إنتى ألى بإيديك هتخلى شكلك وحش وإنتى ألى بإيديك هتخلى شكلك جميل..الشخصيه هى البتحدد الشكل صدقينى يامريم لو إنتى واثقه فى نفسك وواثقه فى حجابك وعندك مبدأ صدقينى وعن تجربه كل الناس هيشفوكى أجمل بنت فى الدنيا وهيعملوا ذيك....
.................................
5) نور:...(أنا نفسى ألبس الحجاب بس بجد شكله مش إستيل عليه!!)
صدقينى يانور إستيل ومش إستيل الكلام ده كله ملهوش لزمه لإنك إنتى ألى بإيديك تخليه إستيل زى ماإنتى عايزه بحُبك للحجاب وبحُبك لربنا وبمبدئك وبقوة شخصيتك وهيبقى موضه كمان وهنسميه..(نورإستيل) بس إنتى إنوى وكل حاجه هتبقى جميله.
.................................
فى حاجه أخيره نفسى أقولها..هى إنك عمرك ماهتقدر ترضى الناس كلها والله عمرك ومش فى أمور الدين بس لكن فى أمور حياتك كلها...فإنت لو سمعت للناس فى أمور الدين ورجعوك عن خطوه كنت نفسك تاخدها إتجاه ربنا فمتزعلش منى إنت كده إنسان ضعيف..ربنا سبحانه وتعالى قال (وإن تطع أكثر من فى الأرض يضلوك عن سبيل الله)
وقال الله سبحانه وتعالى (أتخشونهم فالله أحق أن تخشوه..)...
وقال الله سبحانه وتعالى (إنهم لن يغنوا عنك من الله شيئا..)
......................

تلاوة بصوت الشيخ أحمد العجمي - رووووعة !!! - The best home videos are here

لكل طريق بدايه, والطريق الصح له بدايه...فى إنك تفتح صفحه جديدة مع الله وعنوانها(الثقة فى الله) طب يعنى إيه الثقة فى الله؟يعنى إنك تؤمن إن كل شئ فى حياتك بين يدى الرحمن..... طيب كتير بيقولوا(إحنا طبعاً واثقين فى الله) طيب مدام واثقين فى الله ليه مبتحولش تتوب لله من الذنب الفلانى..ليه مبتحوليش تلبسى الحجاب؟..الرد المشهور)إيه ياعم هو ربنا ممكن يقبل منى توبة؟!!) آه والله ممكن يقبل مِنك توبة..ده مش ممكن ده أكيد هيقبل مِنك توبة بس ...لو كانت من قلبك, لإن الإيمان فى الأصل تصديق بالقلب يعنى لازم قلبك ألى يحس إن هو فى حد زى ربنا فى رحمته وغفرانه؟..والله ما فى حد..والله ربنا أرحم عليك مِنك وعمرك ماهتلاقى أكرم عليك مِنه..ووالله ما فى أسهل من إنك تفتح صفحه جديدة مع الله
....

قبسات ونسمات (التوبه) مقطع جميل جدا - The best bloopers are a click away

...........................
فى شاب بيقولنا(أنا لازم لما أدخل فى الدين, أدخل فى الدين حته واحده أصل يعنى إزاى أنت عايزنى أصلى وأنا بعمل كذا وكذا......وتربتاتى...ده كده نفاق)!!
...........................
وده رأى بنت(يعنى أزاى ألبس الحجاب وأنا لسه بعمل كذا متجيش مع بعض...كده نفاق محنا ينجبها صح يبلاش خالص)...
...........................
يسلام هو ده الكلام(يبلاش خالص) بس علفكره ده مش نفاق... النفاق لما أكون بعمل الإثنين مع بعض وأنا مقتنع بكده..يعنى أعمل الذنب الفلانى وأنا مقتنع إنه عادى وبليل أصلى ركعتين وزى الفل على كده والحياه وردى.. طب ما كده طبعاً نفاق لكن بص على الفرق لما أكون أنا عايز أخلص من الذنب ده بس أنا لسه ضعيف أدامه(مش قادر أنا عارف إنه حرام, وعارف إنه يغضب ربنا, بس مش قادر أبعد عنه) ... طب والله أنا حاسس بيك إنك لسه ضعيف من جواك أدام الذنب ومش قادر تبعد عنه والحل بسيط جداً بس المهم إنك تكون من جواك ندمان ونفسك تبعد عن الذنب الفلانى ...الحل إعمل طاعه إبتدى بيها..عشان أنا لما أعمل طاعه أبتدى بيها يعنى فتحت الباب...إفتح الباب أنت بأى حاجه بإستغفار , بذكر ربنا , بصلة رحم , بكلمه طيبه.... ليه؟لإنك أنت أكيد جواك خير, جوا قلبك نور...الشطاره إنك تكتر من الخير الجواك ده...بس هيكتر أزاى؟ إنك تعمل حاجه خير, أصلاً قلبك أكيد مش هينضف مره واحده...إبتدى بيها واحده واحده يعنى مثلاً إبتدى بالفرائض ألى أنت مضيعها... إبتدى بالصلاه...ظبط مواعيد صلاتك.... يجى حد يقول(لأ بس أنا برضه الصلاه مش عارف أواظب عليها المواعيد بتفوت منى) طيب إبتدى بالإستغفار, وفى حاجه جميله جداً وهو دعاء سيد الإستغفار وهو( اللهم أنت ربى لا إله إلا أنت خلقتنى وأنا عبدك وأنا على عهدك ووعدك ماإستطعت أعوذ بك من شر ماصنعت أبوء لك بنعمتك على وأبوء بذنبى فاغفر لى فإنه لا يغفر الذنوب إلا أنت)...

عارفين الرسول(صلى الله عليه وسلم)قال على الدعاء ده إيه....قال (لو كانت ذنوبه مثل ذبد البحر غفرت له)...

أدعيه وأذكار متنوعه يا الله ابتهال من قناة الرحمه - The most popular videos are here

يعنى بجد حاول تقول دعاء(سيد الإستغفار) كل يوم مره أو مرتين على الأقل......فى شاب بيقولنا(طيب ماكده تمام أعمل ألى أنا عايزه طول اليوم وبليل أقول دعاء سيد الإستغفار وتبقى كل حاجه كده تمام!!)

بس علفكره كده مش كل حاجه تمام لإن ربنا سبحانه وتعالى بيشوف قلبك صادق ولا أى كلام وخلاص فإنت المفروض تقول الدعاء من قلبك وأنت واثق من جواك إن ربنا هيغفرلك وهيقوى قلبك على ذنبك..... هتلاقى نفسك بعد فتره بتعمل الذنب الفلانى وأنت من جواك مضايق وندمان.........بس هو الموضوع سهل كده؟!!!....آه والله الموضوع سهل كده...بس المهم إنك ماتيئس من رحمة الله.....أنتوا عارفين إن أحد أكبر الكبائر إنك تيئس من رحمة الله....وبجد والله مافى حاجه ربنا حرمها إلا وكان فيها حاجه مش خير ليك.....

عشان تتأكد إن الموضوع سهل فى حديث رواه البهيقى فى شعب الإيمان(أخبر النبى(صلى الله عليه وسلم) أن رجلاً كان يصلى بليل فإذا أصبح سرق فقال النبى(صلى الله عليه وسلم)ستنهاه مايقول)
يعنى واحد كان الصبح يسرق وبليل يصلى ركعتين قيام ليل بعد فتره لوحده هيلاقى نفسه......لأ مينفعش كده ده كده حرام...... أثر المعصيه هيخرج من قلبه....عشان كده أنا بقولك أعمل حاجه تشيل حاجه إستغفر , إعمل عمل خير , بر أهلك....الرصيد ده ألى هيشيل أثر المعصيه من قلبك

قبسات ونسمات : قيام الليل للشيخ محمد حسان رااااائعة - Click here for more home videos

المشكلة فى إنك أنت أحياناً تحب معصيه معينه...يعنى أنت عايزها وفى نفس الوقت مش عايز سكتك مع ربنا تبقى مش مظبوطه....هى دى المشكلة إن إزاى أجمع بين الأمرين(يعنى أنا بحب ربنا وعايز أمشى فى سكته وعايز أطيعه وأنا بحاول بس الموضوع ده مش قادر أسيبه مع إنها معصيه بس بحبها جداً)...الحل إنك تحب الطاعه وتزيد, شويه فشويه هيموت من عندك التانى....ماأنت مثلاً بتحب ربنا وعايز تبقى كويس وحابب إنك تغير نفسك وفى نفس الوقت بتعمل ذنب نفسك تخلص منه بس المشكله فإنه مالك قلبك بتحبه....طيب يبقى كده الإتنين متعادلين الطريق الصح والطريق الخطأ.. يبقى الحل تزود طاعتك لربنا , قربك منه......فسعتها حبك لربنا هيزيد, وحبك لطريق المعصيه هيقل.....وقال الله سبحانه وتعالى..(ومن الناس من يتخذوا من دون الله أنداداً يحبونهم كحب الله, والذين آمنوا أشد حباً لله)
....................................
فى حل أكيد ومجرب قبل كده وهو إكثر من قول (لا حول ولا قوة إلا بالله) ..والدليل قال رسول الله(صلى الله عليه وسلم) فى حديث الأذان طيب قبل ماأقول الحديث إنتوا عارفين إمتى بيقول (لا حول ولا قوة إلا بالله)؟..... وقت حى على الصلاه...طب ليه لإنها إعانه على الطاعه...فلما أنت تقول (لا حول ولا قوة إلا بالله) يعنى يارب عَنى خد بإيدى...يارب أنا ضعيف إنى أقوم أصلى دلوقتى...الموضوع تقيل عليا يارب.....فربنا هيعينك من قول (لا حول ولا قوة إلا بالله)...قال رسول الله(صلى الله عله وسلم)....(إذا قال المؤذن الله أكبر فقال أحدكم الله أكبر , وإذا قال أشهد أن لا إله إلا الله قال أشهد أن لا إله إلا الله , إلى أن يقول حى على الصلاه فيقول لا حول ولا قوة إلا بالله , وإذا قال حى على الفلاح قال لا حول ولا قوة إلا بالله إلى أن يقول الله أكبر لا إله إلا الله قال فمن قال ذلك من قلبه دخل الجنة) شوف رحمة ربنا....يجى حد يقولنا( يعنى معقوله الموضوع سهل قوى كده أقول ورا الأذان أدخل الجنه!!!)...آه الموضوع والله سهل جرب قول ورى المؤذن من قلبك وشوف قرب ربنا هيدخل فى قلبك إزاى جرب كل ماتسمع أذان قول وراه...بجد حاول
....................................
دلوقتى هسألك سؤال....قبل ماتنام بليل بتعمل إيه؟!! طبعاً الرد ولا حاجه!!!
أنا سألت مجموعه من الشباب والبنات سؤال وهو:...بتقول إيه قبل ماتنام؟....وكان ردهم...(إيه السؤال الساذج ده أكيد بنقول تصبح على خير ونام!!!!)
طيب بس فى حاجه غير تصبح على خير وصباح الخير بتمنى إن كل الشباب والبنات يقولوها وهى:...أول ماتصحى من النوم الصبح يعنى!!!وقبل ماتقول صباح الخير قول
(اللهم بك أصبحنا وبك أمسينا وبك نحيا وبك نموت وإليك النشور, أصبحنا وأصبح الملك لله والحمد لله لا شريك له لا إله إلا هو وإليه النشور, أصبحنا على فطرة الإسلام وكلمة الإخلاص وعلى دين نبينا محمد(صلى الله عليه وسلم) وعلى ملة أبينا إبراهيم حنيفاً وماكان من المشركين)
طيب دلوقتى بعد ماتقول تصبح على خير أكيد بليل قبل ماتنام طيب إشمعنى بعد ماأقول تصبح على خير ليه مش قبل؟!!!لإنه لازم يكون آخر كلام على لسانك قبل ماتنام وأول كلام على لسانك أول ماتصحى من النوم.... طيب قبل ماتنام تقول إيه:.قال رسول الله(صلى الله عليه وسلم) ...(من قال حين يأوى إلى فراشه فقال لا إله إلا الله وحده لا شريك له , له الملك , وله الحمد , وهوعلى كل شيئاً قدير لا حول ولا قوة إلا بالله العلى العظيم سبحان الله والحمد الله ولا إله إلا الله والله أكبر غفرت له ذنوبه أو خطاياه وإن كانت مثل ذبد البحر)
..............................

شوفت حاجه بسيطه إزاى......أذكار هديه والله العظيم هديه تفتح بيها صفحه جديده مع الله....قال رسول الله(صلى الله عليه وسلم)(ماعلى الأرض أحداً يقول لا إله إلا الله والله أكبر ولا حول ولا قوة إلا بالله إلا كفرت عنه خطاياه ولو كانت مثل ذبد البحر)
بس من قلبك قولها من قلبك وشوف كنز الإيمان بالله
...............................
قال رسول الله (صلى الله عليه وسلم) (قل لا حول ولا قوة إلا بالله فإنها كنزاً من كنوز الجنه)....
طيب عشان ءأكدلك موضوع (لا حول ولا قوة إلا بالله)
كان فى واحد من علماء السلف إمام أهل الشام وكان إسمه مكحول الشامى قال(من قال لا حول ولا قوة إلا بالله ولا ملجأ من الله إلا إليه كفى الله عنه سبعين باباً من الضر أدناهن الفقر)
.................................
(سبحان الله) عارفين أجرها إيه؟آه طبعاً صدقه وخير وحسنات كتير.....
تمام بس (سبحان الله) فيها حاجه جميله جداً وتجنن كمان....قال النبى(صلى الله عليه وسلم) (إن مما يذكرون من جلال الله من التسبيح والتحميد يرتفعن حول العرش لها دوى كدوى النحل يذكرن بصاحبها)
عارفين معناها إيه؟ معناها إنك كل ماتسبح وتحمد ربنا التسبيح والتحميد ده بيتجسد كإنه كائن ويرتفع حول العرش وليها صوت كصوت النحل يذكرن بصاحبها يعنى يقول إسم صاحبها يعنى مثلاً أحمد كان بيسبح وبيحمد ربنا تفضل تقول إسمه..أحمد.أحمد مثلاً مريم تفضل تقول..مريم.مريم وهى بتلف حول العرش.....
فى أجمل من كده والله ما فى....كل ألى مطلوب منكم قرار وإمشى فى الطاعه خطوه خطوه وشوف ربنا هيكرمك إزاى...
.............................
فى صاحبى أسلم ولم يركع لله ركعه ووقت ما أسلم نادى منادى الجهاد خرج وحارب فقتل فأصبح فى منزلة الصدقين والشهداء...
شوف بقرار قرار من قلبه إنه يسلم أصبح فى منزلة الصدقين والشهداء...
..............................
فى شاب بيقولنا:.(أنا عارف نفسى أنا مش بتاع إلتزام وكده أنا رايق وبعدين بصراحه أنا جربت قبل كده وفشلت!!)
...............................
وفى بنت بتقولنا:.(أنا مش قادره على الحجاب أصل هو بصراحه مش إستيل عليه شكلى بيه مش حلو وبعدين أنا لبسته قبل كده وألعته فأنا عارفه نفسى!!)
...............................
الرد:. يعنى إيه أنا عارف نفسى أو أنا عارفه نفسى؟ يعنى إنتوا عارفين نفسكوا أكتر من ربنا وبدين أكيد أنت هتقدر والله العظيم هتقدر... وإنتى كمان هتقدرى بس لازم تشيل من مخك اليئس من رحمة الله...
العلماء بيقولوا إيه:.لما تحط فى مخك إنك هتسقط ,هتسقط شيل من مخك الفشل وثق فى ربنا وقول إنشاء الله هقدر.....إنشاء الله هقدر أتغلب على نفسى وألبس الحجاب وربنا هيكون معاكم بإذن الله....وعلفكره الصحبه ليها أثر كبير فى قربك من ربنا لإن هما ألى هيقدروا يشدوك للطريق الصح...لإن الصاحب بجد ساحب وده ألى إحنا بنسعى لتحقيقه وإنشاء الله نقدر نَكون صحبه كبيره فى الخير.
.....................................